Испанияда жұмыс аптасы алдағы уақытта төрт күндік режимге көшуі мүмкін
Испания үкіметі эксперимент ретінде елде төрт күндік жұмыс аптасы енгізілгенін хабарлады.
Атаулы тәжірибе үш жылға созылады және оған 50 миллион еуро бөлінген болып, үкімет қызметкерлердің жалақысын төмендетпей жұмыс уақытын 40 сағаттан 32 сағатқа дейін қысқартатын компанияларға қаржылай қолдау көрсетеді.
Más País партиясының бастамасымен қолға алынған жоба, кірісті төмендетпей, еңбек өнімділігін арттыру мақсатында енгізілген.Партия жетекшісі Иниго Эррегонның айтуынша, пилоттық жоба компанияларға төрт күндік жұмыс аптасының артықшылықтарын көрсетеді және оларды үкіметтің қолдауынсыз осы режимге көшуге ынталандырады.
Бұдан бөлек ел компаниялары қаржылық тұрақтылыққа қол жеткізген сайын, мемлекеттік төлемдер біртіндеп азаяды. Жобаның негізгі мақсаты кірістерді төмендетпей еңбек тиімділігін арттыру болып табылады.