Иорданияда черковга ҳужум: қурбонлар бор
Иорданиянинг Керак шаҳридаги черковга уюштирилган қуролли ҳужум оқибатида 9 киши ҳалок бўлди, 27 киши жароҳатланди. Мамлакат хавфсизлик кучлари ҳужумга алоқадорликда гумон қилинган уч нафар шахсни қўлга олган.
Иордания қироли Абдуллоҳ II ҳужумни қоралаб, терроризмга қарши қатъий кураш олиб борилишини билдирди. Давлат раҳбари мамлакат аҳолисини бирдамликка чақирди.
Ўлка ички ишлар вазири Мазин ал-Фарай ҳам ҳужумни экстремистик гуруҳ томонидан содир этилган террорчилик ҳаракати сифатида баҳолаб, уни кескин қоралади. Унинг таъкидлашича, хавфсизлик кучлари жиноятчиларни қўлга олиш бўйича чоралар кўрмоқда.
А.Маматов, ЎзА
