Европа бозорида Хитой автомобиллари улуши 10 фоиздан ошди (+видео)
Bloomberg маълумотига кўра, май ойида Европада сотилган янги автомобилларнинг 10% дан ортиғи Хитойда ишлаб чиқарилган бўлиб, Хитой брендлари ЕИ автомобиль бозорининг 11% ини эгаллаб, маҳаллий ишлаб чиқарувчиларни ортда қолдирган
Талабнинг ўсиши асосан арзон ва сифатли гибрид ҳамда электр машиналар ҳисобига юз бермоқда. Масалан, MG S9 каби моделлар европалик харидорлар орасида оммалашмоқда. Таҳлилчиларга кўра, Хитой автомобиллари Европа автомобиллари билан бир хил нархда бўлсада кўпроқ имконият ва қувват таклиф қилади.
Масалан, BYD ва SAIC каби компаниялар маҳсулотини Европага кўпроқ экспорт қилмоқда. Бу эса уларга Европада тез суръатда улушни ошириш имконини бермоқда.
Европа Иттифоқи маҳаллий автомобил саноатини ҳимоя қилиш учун айрим электр машиналарга бож солган бўлса-да, гибрид автомобиллар ҳали ҳам нисбатан енгилроқ шартларда кирмоқда. Шу сабабли Хитой ишлаб чиқарувчилари бу сегментда тез ўсишга эришмоқда.
Айни пайтда Европа автогигантлари ҳисобланган Volkswagen, Renault каби автогигантлар рақобат кучайиши ва харажатлар ошиши сабаб фойда йўқотиш эҳтимолига дуч келмоқда. Ҳатто BMW ҳам бу йил автомобил бизнесидан деярли фойда олмаслиги мумкинлигини билдирган.
Буюк Британия, Италия ва Испанияда Хитой брендлари айниқса тез ўсмоқда, шу билан бирга Франция ва Германияда ҳам уларнинг улуши ортиб бормоқда.
<iframe width="650" height="420" src="https://www.youtube.com/embed/X6voXDRYEd0" title="Yevropa bozorida Xitoy avtomobillari ulushi 10 foizdan oshdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Анвархўжа Аҳмедов, ЎзА
