Еуропа Қайта құру және Даму Банкі 20 МВт қуаттылыққа ие электролизатор және жаңартылатын сутегі өндіру үшін 52 МВт қуаттылыққа ие жаңа жел электр станциясын салады. Осыған орай банк жобаларға 65 миллион доллар бөлмек.

ЕҚДБ қаражаты ACWA Power UKS Green H2 компаниясына құрылғыны әзірлеу, жобалау, салу және пайдалану үшін беріледі.

Қаржылық пакетке ЕҚДБ-дан 55 миллион доллар көлеміндегі несие және Канада тарапынан климаттың өзгеруіне қарсы күрестегі жоғары кірісті серіктестік қоры арқылы ұсынылған 10 миллион долларға дейінгі жеңілдікті қаржыландыру кіреді. Сонымен қатар, ЕҚДБ 5,5 миллион долларға дейін аралық несие беруді жоспарлап отыр.

Бұл зауыт 2022 жылы Мысырда ұқсас жобаны сәтті қолдағаннан кейін, жаңартылатын сутегі өндіру бойынша ЕҚДБ-ның екінші жобасы болмақ.

Құрылыс аяқталғаннан кейін жыл сайын үш мың тоннаға дейін тыңайтқыш өндіру жоспарланған.