Дәстүр мен заманауилық тоғысқан өңір: Либо уезінің бүгінгі тынысы
Қытайдың Гуйчжоу провинциясының оңтүстігінде орналасқан Либо уезі — қайталанбас сұлу табиғатымен ғана емес, заманауи сәулеті, инфрақұрылымы және өзіндік өмір ырғағымен де баурап алатын өлке.
Шұрайлы мекеннің көшелерін аралағанда еңселі де заманауи ғимараттар, мұнтаздай таза жаяужолдар мен ретке келтірілген қала тіршілігі бірден көзге түседі. Мұнда қала құрылысының озық шешімдері, тұрғындарға жасалған қолайлы жағдай мен байырғы тұрмыс-салт табиғи түрде жарасым тапқан.
Либоның күнделікті тыныс-тіршілігіне көз жүгіртсеңіз, қарбалас тірліктің өзінен өзгеше бір жылылық сезіледі. Сәнді ғимараттардың арасындағы қайнаған сауда, қызмет көрсету орындары мен қоғамдық кеңістіктегі ашық-жарқын қарым-қатынас өңірдің бүгінгі шынайы келбетін айқындай түседі.
Негізінен, Либо — тек табиғат көріністерін тамашалайтын туристік аймақ қана емес, Қытайдың жергілікті мәдениетімен, тылсым дәстүрлерімен етене танысуға сұранып тұрған мекен.
[gallery-31904]
Көрікті көшелер, заманауи сәулет нысандары мен тыныс-тіршілік көріністері бейнеленген кадрлар өңірдің даму қарқыны мен өзіндік бояуын жарқырата көрсетеді.
суреттерді түсірген М.ҚОДИРОВ, ӨзА
