Чехия Бош вазири Андрей Бабиш расмий ташриф билан Ўзбекистонга келди
Чехия Республикаси Бош вазири Андрей Бабиш 29 апрель куни расмий ташриф билан мамлакатимизга келди.
Олий мартабали меҳмонни “Тошкент-Ҳумо” халқаро аэропортида Ўзбекистон Республикаси Бош вазири Абдулла Арипов ва бошқа расмийлар кутиб олди.
Ташриф дастурига мувофиқ, Тошкент шаҳрида олий даражадаги музокаралар бўлиб ўтади, кўп қиррали Ўзбекистон – Чехия ҳамкорлигини янада ривожлантириш истиқболлари кўриб чиқилади.
[gallery-29087]
Ўзаро савдони кўпайтириш, машинасозлик, “яшил” энергетика, кимё, фармацевтика ва транспорт соҳаларида кооперацияни кенгайтириш диққат марказида бўлади.
Маданий-гуманитар ва таълим соҳаларидаги ҳамкорлик масалалари муҳокама қилинади ҳамда ўзаро қўллаб-қувватлаш юзасидан ҳам фикр алмашилади. Икки томонлама ҳужжатлар имзоланиши кўзда тутилган.
Ташриф доирасида Бош вазир Андрей Бабиш Ўзбекистон – Чехия бизнес- форумида ҳам иштирок этади.
<iframe width="650" height="420" src="https://www.youtube.com/embed/MQ73uSfuNIs" title="Chexiya Bosh vaziri Andrey Babish rasmiy tashrif bilan O‘zbekistonga keldi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Абдулазиз РУСТАМОВ, Отабек МИРСОАТОВ (сурат), ЎзА
