ФОТОРЕПОРТАЖ

Көне өркениеттердің алтын бесігі саналатын Бұхарада саяхатшылар маусымы қызу қарқын алды. Жыл басынан бері өңірге келген туристер саны күрт өсіп, тарихи қала өзінің ерекше көрінісімен қонақтарды қарсы алуда.

Ресми деректерге сүйенсек, биылғы жылдың қаңтар-ақпан айларында ғана Бұхараға 195 000-нан астам шетелдік саяхатшы ат басын бұрған. Олардың демалысы үшін көрсетілген қызметтердің арқасында туризм экспорты 53,3 млн долларға жетті. Сондай-ақ, республика өңірлерінен келген жергілікті туристер саны 665 200 адамды құраған.

«Өзбекстан бойынша саяхатта!» бағдарламасы аясында Бұхарадан республиканың басқа өңірлеріне 63 500 туристің сапары ұйымдастырылды. Олардың қатарында отандық кәсіпорындар мен мекемелер қызметкерлері де бар.

[gallery-22295]

Туризмді дамыту мақсатында инфрақұрылымды нығайту жұмыстары да қарқынды жүргізілуде. Биылғы жылдың қаңтар-ақпан айларында 6 жаңа орналастыру орны іске қосылды. Оның ішінде 1 қонақүй, 4 отбасылық қонақүй және 6 туроператор мен турагенттік өз қызметін бастады.

Жыл соңына дейін Бухара 2 200 000-нан астам шетелдік және 4 млн-нан аса жергілікті саяхатшыны қабылдайды деп күтілуде. Туристер ағынының артуы – көне шаһардың әлемдік саяхат картасындағы маңызын одан әрі арттыра түсері сөзсіз.

суреттерді түсірген Т.ИСТАТОВ, ӨзА