ФОТОРЕПОРТАЖ

Бухоронинг асрларга тенг тарихий ёдгорликлари айни кунларда узоқ-яқиндан келган хорижий сайёҳлар билан янада гавжум. 

Маълум бўлишича, жорий йилнинг биринчи чорагида Россиядан 9758, Хитойдан 2878, Қозоғистондан 1830, Ҳиндистондан 1353, Япониядан 1338, Италиядан 1161, Туркманистондан 961, Франциядан 929, АҚШдан 785, Эрондан 738, Испаниядан 668, Малайзиядан 611, Индонезиядан 653 нафар сайёҳ вилоятга ташриф буюрган. 

[gallery-23076]

Юртимизнинг сайёҳлик дурдоналаридан бири сифатида эътироф этиладиган Бухорога келган хорижлик сайёҳлар шаҳарнинг бетакрор гўзаллигига мафтун бўлиб, бу ерга қайта-қайта ташриф буюришни истайди.

Жорий йил якунига қадар қадимий ва ҳамиша навқирон Бухорога 2 миллион 200 мингдан зиёд хорижий сайёҳ ташриф буюриши, уларга кўрсатилган хизматлар орқали туризм экспорти 600 миллион АҚШ долларига етказилиши кутилмоқда.

Тоҳир ИСТАТОВ (сурат), ЎзА