Англияның «Брентфорд» клубы «Пахтакор» ойыншысы Мухаммедали Уринбоевтың ауысқанын жариялады.

18 жастағы шабуылдаушы жартылай қорғаушыны АПЛ клубы жарты жылға жалға алған.

Ағылшындық клубтың ресми сайтының хабарлауынша, клуб маусым соңында өзбекстандық футболшыны сатып алу құқығына ие болады. Ол Нил Макфарлейн басқаратын екінші командада өнер көрсетпек. 

«Әрбір жас ойыншы Премьер-лигада ойнауды армандайды. Мен де сол арманға бір қадам жақындағаныма өте қуаныштымын. Енді мен осында бар күш-жігеріммен жұмыс істеймін және өзбек ойыншыларының неге қабілетті екенін бүкіл әлемге көрсеткім келеді», - деді Уринбоев клубтың ресми сайтына берген алғашқы сұхбатында.

Еске салар болсақ, Уринбоев «Пахтакор» сапында 17 жасқа толғанға дейін дебют жасаған және өз жас санатында ұлттық құраманың мүшесі болып саналады. Ол 16 жасында «Пахтакор» сапында дебют жасап, осы уақытқа дейін 17 матчқа қатысқан.