Болгарияның қорғаныс министрі Тодор Тагарев болгар армиясын әскери-техникалық жарақтандыру мәселелерін талқылау үшін АҚШ-қа барады.

Euractiv порталының хабарлауынша, Болгария қорғаныс ведомствосының бастығының АҚШ-қа сапарында Қорғаныс министрлігінде, Мемлекеттік департаментте, Ұлттық қауіпсіздік кеңесінде, Конгрессте және Қорғаныс қауіпсіздігі саласындағы ынтымақтастық агенттігінде кездесулері жоспарланған.

Тагарев сонымен қатар Оңтүстік Каролинадағы Lockheed Martin зауыттарына барып, Болгария әуе күштері үшін сатып алған F-16 Block 70 ұшағын өндіру процесімен танысады.

«Болгарияның Қорғаныс министрі Вашингтондағы Ұлттық қорғаныс университетінде Қара теңіздегі қауіпсіздік, Батыс Балқан мен НАТО-ның шығыс флангының болашағы туралы талқылауларға қатысуды жоспарлап отыр», делінген хабарламада.

Болгария 2032 жылға дейін әскери инвестицияға 10 миллиард доллар жұмсауды жоспарлап отыр. Бұл шығындар үш ірі жобаны қамтиды. Олардың ең ірісі - қару-жарақты қоса алғанда, шамамен 2,4 миллиард доллар тұратын 16 F-16 жойғыштарын жеткізуге арналған Lockheed Martin-пен келісім-шарт.

Желтоқсан айының басында Болгария парламенті General Dynamics-тен жаяу әскерлерге арналған 200-ге жуық Stryker броньды машиналарын 1,3 миллиард долларға сатып алу туралы келісімді мақұлдады.

Соңғы ірі әскери келісім Болгария армиясын заманауи 3D радарларымен жабдықтау болып табылады және бұл келісімшартқа жақын арада қол қойылады деп күтілуде.