Бир ташаббус ортидан юзлаб ёшлар тақдири ўзгарди (+видео)
Президент Шавкат Мирзиёев 30 июнь куни мамлакатимизнинг фаол ва изланувчан ёшлари билан учрашди.
Бугун ҳар бир ҳудудда ўз ғояси ва меҳнати билан тенгдошлари учун янги имкониятлар яратаётган ёшлар сафи тобора кенгаймоқда. Олимпия шаҳарчасида Ёшлар куни муносабати билан ташкил этилган учрашув ана шундай ташаббускор ёшларнинг амалий ишлари ва ютуқларини намоён этадиган ўзига хос майдонга айланди.
Фарғона туманидаги Обод маҳалласи ёшлар етакчиси Исломбек Муҳаммаджонов “Обод таълим” ўқув марказини ташкил этиб, унда 600 нафар тенгдошини замонавий касблар ва хорижий тилларга ўқитган.
Ёш тадбиркор мазкур лойиҳа фаолиятини Германиянинг нуфузли компаниялари билан тузилган халқаро шартномалар асосида глобал бозорга олиб чиққан. Ушбу самарали ташаббус натижасида Обод маҳалласи ёшлар ўртасида ишсизлик ва жиноятчилик ҳолатлари кузатилмайдиган ҳудудлардан бирига айланди.
<iframe width="650" height="420" src="https://www.youtube.com/embed/69cp0sVB_ko" title="Bir tashabbus ortidan yuzlab yoshlar taqdiri o‘zgardi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Марҳабо ҲОЖИАКБАРОВА, Анвархўжа АҲМЕДОВ (видео), ЎзА
