27 сәуірде Табиғи ресурстар министрі Азиз Абдухакимов пен Қазақстан Республикасының Экология және табиғи ресурстар министрі Зүлфия Сүлейменованың кездесуі өтті.
Министрлік дерегінше, кездесуде қоршаған ортаның мониторингі, биологиялық әртүрлілік пен табиғи аумақтарды қорғау, климаттың өзгеруінің салдарын азайту, қатты тұрмыстық қалдықтарды басқару, кадрлық әлеуетті арттыру мен ғылыми-техникалық салалардағы ынтымақтастық мәселелері талқыланған.
2022 жылдың желтоқсанында Өзбекстан Республикасының Үкіметі мен Қазақстан Республикасының Үкіметі арасында қоршаған ортаны қорғау туралы келісімге қол қойылған. Келіссөздер барысында аталған келісім аясында түрлі бағыттағы ынтымақтастықты тереңдету және кеңейту туралы келісімдерге қол жеткізілді.
«Кездесу соңында Қазақстан Өзбекстан Республикасының шөлейттену жөніндегі жаһандық әрекеті (UNCCD CRIC-21), осы жылы күз мезгілінде Самарқандта өтетін Жабайы жануарлардың қоныс аударатын түрлерін сақтау жөніндегі Конвенция Тараптарының 14-ші конференциясы (CMS COP- 14) және Дүниежүзілік туристік ұйым (UNWTO) Бас Ассамблеясының 25-ші сессиясына шақырылды», делінген хабарламада.