Автоспортчиларимиз “Asia Auto Gymkhana Championship”да 2-ўринни эгаллади
Гонконгда автоспортнинг турли йўналишлари бўйича ўтказилган “Asia Auto Gymkhana Championship” мусобақасининг учинчи босқичида Ўзбекистон терма жамоаси аъзолари жуфтлик баҳсларида иккита кумуш медални қўлга киритди.
Қитъа автоспортининг энг маҳоратлилари қатнашган чемпионатнинг эркаклар жуфтлигида Ўзбекистон терма жамоаси аъзолари Дилшод Юсупов ва Олим Аҳмаджонов, аёллар жуфтлигида эса Сабина Юсупова ва Самина Аҳмаджонова иккинчи ўринни эгаллади.
Шунингдек, Ўзбекистон терма жамоаси миллий федерациялар ҳисобида учинчи ўринни қайд этгани эътиборли бўлди.
Спортчиларимизнинг турли йўналишларда муносиб иштирок этиши ҳамда жуфтлик мусобақаларининг 2 та йўналишида совриндорликка эришиши натижасида Ўзбекистон автоспорт жамоаси умумий чемпионат ҳисобида қитъа жамоалари орасида иккинчи ўринни сақлаб қолди.
Т.Рўзиев,
ЎзА
