Өзбекстан өнер академиясының хабарлауынша, 2022 жылғы 29 шілдеде Ташкентте Өзбекстан мен Қазақстанның сыртқы істер министрлері «Өзбекстан Республикасы мен Қазақстан Республикасы арасындағы дипломатиялық қарым-қатынастардың орнағанының 30 жылдығын кеңінен атап өту жөніндегі бірлескен іс-шаралар жоспарын» әзірлеп, бекіткен болатын.

Осы бірлескен жоспар бойынша Қазақстан Республикасының бас қаласы Астана қаласында сөз зергері Әлішер Науаидың мүсінін орнату көзделген болатын.

2022 жылдың 20 желтоқсанында бұл тапсырмаға байланысты Өзбекстан Республикасы Министрлер Кабинетінің тиісті қаулысы қабылданып, Өзбекстан Көркемсурет академиясына қола мүсінді жасап, межелі жерге жеткізу міндеті жүктелген еді.

Күні кеше Астана қаласында ұлы ойшыл Әлішер Науаидың мүсіні орнатылды.

Биіктігі төрт метрден асатын бұл мүсінді Өзбекстанның халық суретшісі, мүсінші Жасвант Анназаров жасаған.

Айта кету керек, Әлішер Науаи мүсіні күні бүгінге дейін Токио, Шанхай, Вашингтон, Мәскеу, Минск, Баку, Мазари-Шариф, Ош, Душанбе, Сеул қалаларында орнатылған.