АҚШ-тың Оңтүстік Кореядағы әскери базасынан ақ фосфор сыртқа тарады
АҚШ-тың Оңтүстік Кореяда орналасқан Осан әуе базасында оқ-дәріге байланысты оқиға болып, ауаға ақ фосфор тарады. Оқиға салдарынан ресми органдар жақын маңдағы тұрғындарды қысқа уақытқа эвакуациялауға мәжбүр болды.
Reuters агенттігінің хабарлауынша, төтенше жағдай салдарынан ешкім зардап шеккен жоқ. Оңтүстік Кореяның құтқару қызметі мен АҚШ әскери қызметшілері залалсыздандыру жұмыстарын жүргізгеннен кейін шамамен жарты сағаттан соң шектеулер алынып тасталды.
Айта кетейік, ақ фосфор – ауамен жанасқан кезде өздігінен тұтанатын, аса улы зат. Ол басқа заттармен қатар түтін бүркемесін жасауға және оқ-дәрінің кейбір түрлерін өндіруге қолданылады.
