АҚШ пен Үндістан арасындағы сауда келісімі жақын күндері жасалмайтын болды
АҚШ Сауда өкілі Джеймисон Грир Трамп әкімшілігі Үндістанмен екіжақты сауда келісімін жасау бағытында жұмыс жүргізіп жатқанын, алайда құжатқа жақын күндері қол қойылмайтынын мәлімдеді.
Грир осы аптада Милуокиде өткен «G20» сауда министрлерінің саммиті аясында Үндістанның сауда министрі Пиюш Гоялмен мазмұнды кездесу өткізгенін айтты. Оның сөзінше, екі ел өкілдері келіссөздерді белсенді түрде жалғастырып жатыр.
АҚШ өкілінің мәлімдеуінше, тараптар келіспеушілік туғызған негізгі мәселелерді толық анықтап алған және қазір оларды шешу бағытында байыпты жұмыс жүргізуде. Дегенмен түпкілікті келісімге қол жеткізу үшін әлі біраз уақыт қажет.
