АҚШ нега Ойга қайтмоқда?

Янги “ой пойгаси” ресурслар учун кураш шароитида қайта авж ола бошлади. “The New York Times” газетаси ёзишича, NASA ва бошқа фазовий тузилмалар Ойга муз ва гелий-3 манбаи, шунингдек келажакда коинотни ўрганиш учун таянч манзил сифатида қарамоқда. Вашингтон 2028 йил Ойга одам жўнатишни режалаштирган. Сайёрамиз табиий йўлдошини тадқиқ қилишнинг илк даврида NASA ва собиқ Совет Иттифоқи Ойнинг Ер билан бевосита радио алоқа ўрнатиш имкони мавжуд бўлган яқин томонига эътибор қаратган. Энди эса коинотшунослар Ойнинг қутби ва бизга кўринмайдиган орқа томонига кўпроқ қизиқмоқда. Қутбдаги кратерларда музлаган ичимлик суви ва кислород ракета ёнилғиси – Ерда жуда кам учрайдиган, фунти 9 миллион долларга тенг гелий-3 – термоядровий энергия учун истиқболли модда билан таъминлаши мумкин. Шунингдек, хабарда Ойнинг нариги томони заминимиздаги радио шовқинидан ҳимояланган радиотелескоп учун мос жой экани таъкидланмоқда.

Вашингтон Жанубий қутб яқинида база қуришни режалаштираётган бир пайт, Хитой ҳам шу минтақада ўз манзилгоҳини ташкил этиш ниятини эълон қилди.

С.Раҳимов, ЎзА