Ассалаумағалейкум! Армысыз көрермен, Өзбекстан Ұлттық ақпарат агенттігінің виртуалды тілшісі сіздерді өткен аптада болған маңызды оқиғалар және жаңалықтармен таныстырады.

Өзбекстан Республикасы Президенті Шавкат Мирзиёев Малайзия Премьер-Министрі Анвар Ибрагимнің шақыруымен үшінші және бесінші ақпан күндері ресми сапармен осы елге барды. Шавкат Мирзиёев пен Анвар Ибрагим стратегиялық әріптестік жолында екіжақты ынтымақтастықты тереңдету туралы бірлескен мәлімдемеге қол қойды. Сонымен қатар, келесі құжаттар қабылданды:

➖ Өнімдердің «халал» стандарттарына сәйкестікті бағалау саласындағы ынтымақтастық туралы келісім; 

➖Кеден ісі бойынша ынтымақтастық және өзара көмек туралы келісім;

➖Жоғары білім саласындағы ынтымақтастық туралы келісім;

➖Денсаулық сақтау саласындағы ынтымақтастық туралы келісім;

➖Мәдениет саласындағы ынтымақтастық туралы келісім;

➖Сот-сараптама қызметі саласындағы ынтымақтастық туралы келісім;

➖Академиялық-дипломатиялық ынтымақтастық туралы келісім;

➖ «Ақылды» қалаларды дамыту саласындағы ынтымақтастық туралы хаттама;

➖Екі мың жиырма бесінші және екі мың жиырма алтыншы жылдары сыбайлас жемқорлыққа қарсы күрес саласындағы әріптестікті тереңдету бойынша бірлескен жоспар. 

***

Екі мың жиырма төртінші жылы Өзбекстандағы кедейлік деңгейі сегіз бүтін оннан тоғыз пайызға дейін төмендеді. Бағалау Дүниежүзілік банкпен бірлесіп жүргізіліп, халықаралық есептеу әдістемесіне негізделді. Бұл әдіс бойынша жыл бойы елдегі барлық өңірлерде үй шаруашылықтарының бюджеті зерттелген.

***

Екі мың жиырма бесінші жылы Өзбекстанда Ташкент-Әндіжан және Ташкент-Самарқанд бағытында ақылы автожолдар салына бастайды. Жоба Дүниежүзілік банктің қолдауымен әзірленген. Үш жүз он төрт шақырымдық жоғары жылдамдықты магистраль жол уақытын бес сағаттан үш сағатқа дейін қысқартады. Жол-көлік оқиғаларының санын қырық пайызға азайту және жалпы ішкі өнімді екі бүтін оннан алты пайызға арттыру көзделген.

Сонымен қатар, екі мың жиырма бесінші жылы Ташкент-Самарқанд арасында ұзындығы үш жүз шақырым болатын алты жолақты ақылы жол салу жоспарланған. Алдын ала есеп бойынша, бұл бағыттың құны екі бүтін оннан екі миллиард долларды құрайды.

***

Өзбекстан құрамасы өз тарихындағы ең үлкен делегациямен қысқы Азия ойындарына қатысуда. Жетінші және он төртінші ақпан күндері Қытайдың Харбин қаласында өтетін жарыстарда Өзбекстаннан жиырма төрт спортшы алты спорт түрі бойынша ел намысын қорғайды.

***

Өзбекстанда дрон өндірісі жолға қойылады. Малайзияның «Meraque» компаниясымен бірлесіп Ташкент облысының «Янгийул» ауданындағы Ауыл шаруашылығын механикаландыру ғылыми-зерттеу институты аумағында «ақылды» ауыл шаруашылығы техникасы мен дрондарды жергіліктендірілген түрде шығару туралы келісім жасалды.

<iframe width="695" height="391" src="https://www.youtube.com/embed/SGND9FTZ4Lw" title="Aпта дайджесті" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Бүгінгі айтар жаңалықтарымыз осымен аяқталды. Өзбекстан Ұлттық ақпарат агенттігі жаңалықтарын қарай жүріңіз!