Япония минтақа учун молиявий ёрдам жамғармаси ташкил этди
Минтақавий раҳбарлар билан видеоконференциядан сўнг Япония Бош вазири Санаэ Такаичи “Power Asia” номли ташаббус – Жануби-шарқий Осиё давлатлари учун тузиладиган молиявий ёрдам жамғармаси хом нефть ва нефть маҳсулотлари сотиб олиш учун кредит бериш, энг кўп зарар кўрган юртларга фавқулодда кўмак бериш орқали таъминот занжирини қўллаб-қувватлашга қаратилганини эълон қилди.
Унинг сўзларига кўра, ушбу лойиҳа қитъа нефть захираси тизимини қўллаб-қувватлаш, энергия манбаларини диверсификация қилиш ва тежаш ҳамда саноат ўсишини рағбатлантиришни ҳам назарда тутади.
Умуман, Токио минтақада юзага келган нефть танқислиги кун чиқар ўлка иқтисодиётига салбий таъсир кўрсатишидан хавотир билдирган. Зеро, ушбу мамлакат сезиларли даражада импорт қилинадиган нефть маҳсулотларига қарамдир.
С.Раҳимов, ЎзА
