Велоспортчиларимиз Осиё чемпионатини 44 та медаль билан якунлади

Филиппинда велоспортнинг трек ва пара велоспортнинг трек йўналиши бўйича поёнига етган Осиё чемпионатида Ўзбекистон терма жамоаси умумжамоада етакчиликни қўлга киритди.

Қитъанинг 20 та давлатидан спортчилар ва пара спортчилар  иштирокида кечган шиддатли пойгаларда Ўзбекистон терма жамоасининг ёшлар ва катталардан иборат спортчилари 24 та олтин, 11 та кумуш ва 9 та бронза медаль, умумий ҳисобда 44 та медалга эгалик қилди.

Ўзбекистон терма жамоаси Осиё чемпионатида илк бор жамоавий дастурда шоҳсупадан жой эгаллагани эътиборли воқелик сифатида эътироф этилди.

Т.Рўзиев, ЎзА