Ушу: Жаҳон кубогида спортчимиз кумуш медални қўлга киритди
Хитойнинг Хайкоу шаҳрида ушунинг таолу йўналиши бўйича ўтказилаётган жаҳон кубоги мусобақасининг бугунги дастурида терма жамоамиз аъзоси Даря Латишева кумуш медалга эга чиқди.
Хитой ва дунёнинг энг кучли ушу спорт усталари иштирок этган мусобақаларда Ўзбекистон миллий терма жамоаси спортчиси Даря Латишева юртимиз шарафини муносиб ҳимоя қилди.
Миллий терма жамоамиз мураббийлари Ирина Сухорукова ҳамда Наргиза Сарсенбаева раҳбарлигида мазкур кубок мусобақаларида қатнашган Даря Латишева Нангун таолу йўналишининг Нангун дастурида 2-ўринни эгаллагани Ўзбекистон ушу мактабининг халқаро майдондаги юксак салоҳиятидан далолат, дейиш мумкин.
Т.Рўзиев, ЎзА
