Трамп: Испания ва Италиядан америкалик қўшинлар олиб чиқилиши мумкин
АҚШ президенти Дональд Трамп Испания ва Италияни кескин танқид қилиб, улар мудофаа масалаларида “умуман ёрдам бермаяпти” деб баҳо берди ва бу давлатлардаги америкалик ҳарбийларни чиқариб кетиш эҳтимолини кўтарди, деб хабар берди Euronews.
Трамп Вашингтонга ҳеч қандай ёрдам бермаганини айтган ҳолда, Испанияни айниқса кескин танқид қилди.
Бу баёнот Германия канцлери Фридрих Мерцга нисбатан айтилган танқидлар ортидан янгради. Трамп Мерцни Яқин Шарқдаги можаро бўйича билдирган фикрлари учун танқид қилган эди.
Шунингдек, у ижтимоий тармоқда АҚШ Германиядаги ҳарбийлар сонини қисқартириш имкониятини кўриб чиқаётганини ва яқин орада қарор қабул қилиниши мумкинлигини ёзди.
“Германия канцлери Россия ва Украина ўртасидаги урушни тугатишга кўпроқ эътибор қаратиши керак, шунингдек, ўз мамлакатидаги муаммоларни, айниқса миграция ва энергетика соҳасидаги камчиликларни ҳал қилишга кўпроқ вақт ажратиши лозим”, — деди Трамп.
Трампнинг бу кескин танқидлари Мерцнинг фикрларига қарши жавоб бўлди, дейиш мумкин. Чунки, у АҚШни Эрон раҳбарияти томонидан “камситилди” деб айтган эди.
Шунингдек, у Теҳрон Оқ уй музокарачиларини “ўз фойдасига алдаб кетгани”ни таъкидлаган эди.
Трамп аввал ҳам Испанияни мудофаа харажатлари ва ҳарбий базалардан фойдаланиш бўйича киритилган чекловлар учун танқид қилган. Хусусан, Рота ва Морон каби базалар АҚШ учун Ўрта ер денгизи ва Яқин Шарқдаги операцияларда муҳим ҳисобланади.
Апрель ойида у Италия бош вазири Жоржа Мелонини ҳам танқид қилган эди. Мелони Трампнинг Рим Папаси ва Эрон уруши бўйича айтган фикрларини “қабул қилиб бўлмайди” деб баҳолаган. Бунга жавобан Трамп унинг позициясидан ҳайратда эканини айтиб ва унинг жасоратига шубҳа билдирган.
Бу ҳолатлар АҚШ ва Европа иттифоқчилари ўртасида ҳарбий ҳамкорлик ва НАТО масалаларида таранглик кучайиб бораётганини кўрсатмоқда.
<iframe width="640" height="420" src="https://www.youtube.com/embed/qQXOyWhuT3Y" title="Tramp: Ispaniya va Italiyadan amerikalik qo`shinlar olib chiqilishi mumkin " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Искандар Исматов, ЎзА
