Шимолий Кореянинг ракета синовлари минтақада хавфсизлик масаласини кун тартибига чиқарди
Шимолий Корея 12 октябрь куни Пхеньян атрофидан Япония денгизи томон бир нечта баллистик ракета учирди. Жанубий Корея ҳарбийлари маълумотига кўра, уларнинг айримлари 900 километрдан ортиқ масофани босиб ўтган.
Воқеадан сўнг Сеулда фавқулодда хавфсизлик йиғилиши ўтказилиб, мамлакатнинг ҳарбий шайлиги кўриб чиқилди. Япония ҳам КХДР тарафдан ракета учирилганини тасдиқлади, Жанубий Корея ва АҚШ эса синов натижаларини таҳлил қилмоқда.
Бу вазият икки корейс мамлакати ўртасидаги кескинлик кучайган бир пайтда юз берди. Пхеньян 3 октябрь куни ўрта масофали баллистик ракетани синовдан ўтказган, Жанубий Корея эса бир неча кундан кейин гипертовушли қурилмани муваффақиятли синаганини эълон қилган эди.
Мусулмон Зиё, ЎзА
