Сергей Фомин ва Камилла Раҳимова нуфузли турнирларда қатнашади
Теннис бўйича Ўзбекистон терма жамоасининг биринчи рақамли теннисчилари Сергей Фомин ва Камилла Раҳимова жорий ҳафтада Қозоғистон ва Испания мамлакатларида ўтадиган нуфузли мусобақларда иштирок этади.
Жумладан, Қозоғистоннинг Чимкент шаҳрида “Challenger 50” туркумига кирувчи “Shymkent 2” халқаро турнирида Сергей Фомин яккалик ҳамда жуфтлик беллашувларида иштирок этмоқда.
Сергей асосий тўрнинг яккалик беллашувларида нидерландиялик Йелле Селсга қарши кортга чиқса, жуфтликлар ўртасида нейтрал теннисчи Антон Чехов билан тандемда қозоғистонлик Тимур Сауленко ва Арсений Требукин дуэтини синовдан ўтказади.
Дарвоқе, ўтган ҳафта якунида Сергей Фомин “Shymkent 1” мусобақасининг яккалик беллашувларида чемпионга айланган эди.
Хотин-қизлар теннис уюшмаси томонидан “WTA125” таснифига кирнувчи “Catalonia Open” мусобақасига Испаниянинг Ла-Бисбаль-дель-Ампурдан шаҳри мезбонлик қилмоқда. Унда Камилла Раҳимова асосий тўр баҳсларига ташланган қуръа натижасига кўра, илк босқичда россиялик Елена Приданкинага қарши ўйин ўтказадиган бўлди.
Жавоҳир Тошхўжаев,
ЎзА
