Осиё чемпионати: Икки боксчимиз бугун жанг қилади

Мўғулистоннинг Улан-Батор шаҳрида катталар ўртасида Осиё чемпионати бошланди. Қитъамизнинг энг кучли терма жамоалари иштирокида ўтадиган мазкур чемпионатда икки терма жамоамиз ҳам ғолибликка асосий даъвогар сифатида баҳсларга киришмоқда.

Жорий йилнинг 5 апрель кунига қадар давом этадиган чемпионатнинг илк кунида икки нафар боксчимиз рингга кўтарилади. Аниқроғи, вазни -54 кг. бўлган Хуморабону Мамажонова таиландлик Натнича Чонгпронгклангга қарши жанг ўтказса, -70 кг. вазнда Ҳавасбек Асадуллаев ҳиндистонлик Деепак билан куч синашади.

Маълумот учун, Asian Boxing ташкилоти томонидан ўтказилаётган мазкур мусобақанинг очилиш маросими бугун, 30 март куни бўлиб ўтади. Боксчилар 1 апрель кунига қадар саралаш босқичида, 2-5 апрелда чорак, 6-7 апрель куни эса ярим финал босқичида жанг қилади. Мусобақанинг олтин медаллари учун жанглар 9-10 апрель кунлари бўлиб ўтади.

Жавоҳир Тошхўжаев,

ЎзА