Мерц: АҚШ Кубага ҳарбий аралашув бўйича ҳеч қандай асосга эга эмас
Германия канцлери Фридрих Мерц АҚШнинг Кубага қарши ҳарбий амалиёти эҳтимолига қарши чиқиб, аралашув учун асос йўқлигини таъкидлади.
– Кубага бостириб кириш учун аниқ сабаб йўқ, -деди у Ганноверда бўлиб ўтган матбуот анжуманида. - Мамлакат коммунистик режим даврида ички сиёсатда дуч келадиган барча муаммоларга қарамай, Куба ўз чегараларидан ташқаридаги учинчи давлатлар учун ҳеч қандай таҳдид туғдирмаяпти.
Мерц шунингдек, сиёсий тизимлар тузилишига оид қарашлардаги фарқлар ҳам ҳарбий аралашув учун асос эмаслигини қайд этди.
– Мудофаа қобилияти, агар у ердаги сиёсий тизимлар бошқаларнинг қарашларига мос келмаса, бу бошқа давлатларга ҳарбий аралашув ҳуқуқини англатмайди, - деди ГФР канцлери.
Шу билан бирга, у Қўшма Штатлар Кубага қарши ҳарбий амалиёт бошлашига шубҳа билдирди.
Аввалроқ, Пентагон Кубага қарши “бир қатор ҳаракатлар”ни режалаштираётганини ва президент Трампнинг буйруқларини бажаришга тайёр эканлигини маълум қилган эди.
С.Раҳимов, ЎзА
