Кўринмас қотил - "ис гази"дан огоҳ бўлинг!

Ис гази — рангсиз, ҳидсиз ва таъмсиз бўлиб, сезиш жуда қийин бўлган ўта заҳарли газ. Куз-қиш мавсумида иситиш мосламаларидан нотўғри фойдаланиш оқибатида ушбу хавф кучаяди.

Ис гази нима сабабдан ҳосил бўлади?

• Табиий газ, бензин, дизель, мазут, кўмир ёки ўтин чўғларининг чала ёниши натижасида.

• Иситиш печларининг тутун ва ҳаво алмаштирувчи шахталари (мозорлари/туйнуклари) беркитиб қўйилганида.

• Қўлбола ёки носоз иситиш мосламаларидан фойдаланилганда.

• Газ ёки бошқа ёқилғига мослаштирилган печларни ухлаш (дам олиш) хоналарига олиб кирганда.

Хавфсизлик қоидалари

• Шамоллатишни таъминланг: Хона ҳавосини алмаштирувчи шахталар ва туйнукларни ҳеч қачон беркитманг.

• Мосламаларни текширинг: Қўлбола, носоз ёки стандарт талабларга жавоб бермайдиган иситиш печларидан фойдаланманг.

• Ухлаш хонаси: Ухлаш ёки дам олиш хоналарига очиқ олов ёки кўмир/ўтин чўғларини олиб кирманг.

• Болалар ва қариялар: Болалар ҳамда имконияти чекланган кишиларни назоратсиз қолдирманг.

Фавқулодда вазиятларда мурожаат қилиш рақамлари

Агар ис газидан заҳарланиш ёки хавф белгиларини сезсангиз, зудлик билан ташқарига чиқинг ва қуйидаги рақамларга қўнғироқ қилинг:

• 101 — Ёнғин хавфсизлиги хизмати

• 103 — Тез тиббий ёрдам

• 104 — Газ авария диспетчерлик хизмати

• 1050 — Қутқарув хизмати.

М.Турдалиева, А.Аҳмедов. ЎзА