JCh-2026: Iroda ko'rsatgan Argentina finalda Ispaniyaga qarshi o'ynaydi, Angliya esa uchinchi o'rin uchun bahs olib boradi

Shu tariqa, Argentina JCh-2026 finaliga yo'l oldi va u yerda Ispaniyaga qarshi maydonga tushadi.

Argentina terma jamoasi jahon chempionati — 2026 yarim final uchrashuvida Angliya ustidan irodali g'alabaga erishdi — 2:1.

Uchrashuvning 55-daqiqasida Entoni Gordon hisobni ochdi. "Barselona"ning yangi a'zosi Morgan Rojersning qanotdan uzatgan to'pini darvozaga joylab qo'ydi.

Argentinaliklar 86-daqiqada hisobni tenglashtirishga muvaffaq bo'lishdi — Lionel Messining uzatmasidan so'ng Enso Fernandes jarima maydonchasi tashqarisidan yo'llagan zarbasi bilan darvozani ishg'ol qildi. Oradan olti daqiqa o'tgach, yana Messining yetkazib bergan to'pidan so'ng Lautaro Martines bosh bilan gol urib, argentinaliklarga g'alaba taqdim etdi.

Shu tariqa, Argentina JCh-2026 finaliga yo'l oldi va u yerda Ispaniyaga qarshi maydonga tushadi. Angliya esa uchinchi o'rin uchun kechadigan bahsda Fransiya bilan to'qnash keladi. Ikkala o'yin ham 19-iyul kuni bo'lib o'tadi.