Жавоҳир Синдоров “Sinquefield Cup 2026”нинг илк турида Леван Аронян билан куч синашади
Бугун, 10 август куни АҚШнинг Сент-Луис шаҳрида шахмат бўйича “Grand Chess Tour” сериясининг ҳал қилувчи босқичи ҳисобланган “Sinquefield Cup 2026” турнирининг илк тур ўйинлари бўлиб ўтади.
9 та турдан иборат айланма тизимда ўтказиладиган нуфузли мусобақада ҳамюртимиз Жавоҳир Синдоров билан биргаликда Фабиано Каруана (АҚШ), Праггнанандха Рамешбабу (Ҳиндистон), Максим Вашье-Лаграв (Франция) Жорден ван Форест (Нидерландия) Сэм Севьян (АҚШ) дона суриши белгиланган.
Турнирга ташланган қуръа натижасига кўра, Тошкент вақти билан 11 августга ўтар оқшом бошланадиган халқаро турнирнинг илк турида ҳамюртимиз Жавоҳир Синдоров Леван Аронян билан куч синашади.
Эслатиб ўтамиз, 20 августга қадар давом этадиган халқаро мусобақанинг умумий мукофот жамғармаси 350 минг АҚШ доллари этиб белгиланган.
Т.Рўзиев, ЎзА
