Гросси: Эрон ядровий дастурини текшириш механизми ишламаса, тинчлик шартномаси “хом хаёл” бўлиб қолаверади
МАГАТЭ Бош директори Рафаэль Гросси “Associated Press” агентлигига берган интервьюсида АҚШ ва Эрон ўртасидаги эҳтимолий келишув Ислом Республикаси ядровий дастурини батафсил текшириш чорасини ҳам назарда тутиши кераклигини айтди.
– Эрон кенг кўламли ядро дастурига эга, – дея таъкидлади Гросси. – Шунинг учун жараёнда МАГАТЭ мутахассислари иштирок этиши шарт. Акс ҳолда низолашаётган томонлар фақат хом хаёл суриб, келишувга эриша олмайди. Ядровий технология бўйича ҳар қандай келишув батафсил текширув механизмини талаб қилади.
Нашр МАГАТЭ махфий ҳисоботига таяниб ёзишича, Теҳрон агентликка 2025 йил июнь ойидаги 12 кунлик уруш чоғи Исроил ва АҚШ томонидан зарба берилган ядровий иншоотларга кириш ҳуқуқини бермаган.
С.Раҳимов, ЎзА
