ЕИ Хитой чип ишлаб чиқарувчисига қарши санкцияни вақтинча юмшатмоқчи
Европа Комиссияси Россияга қарши санкция 20-босқичига киритилган Хитойнинг “Yangzhou Yangjie Electronic” компаниясига қарши чекловни вақтинча юмшатиш таклифини илгари сурди, деб хабар тарқатди “Reuters” агентлиги ЕК вакилига таяниб.
Назарда тутилган мазкур 9 ойлик танаффус Европа автомобиль ишлаб чиқарувчиларига чип етказиб бериш жараёни ва таъминот занжирида юзага келган жиддий узилишнинг олдини олиш учун корхона билан бизнесни давом эттириш имконини беради. Бинобарин, ҳали компания ЕИ санкцияси рўйхатидан олиб ташланмайди: бундай қарор кучга кириши учун Европа Иттифоқига аъзо барча давлатлар томонидан бир овоздан маъқулланиши керак.
ЕК маълумотига кўра, ушбу корхона маҳсулотлари Россия кучлари томонидан Украинага қарши ишлатилган дрон ва глидер бомбаси тайёрлашда фойдаланилгани учун чеклов ҳужжатига киритилган. Брюссель таъкидлашича, ЕИ иқтисодиёти, жумладан автомобиль саноатига жиддий зарар етмаслиги учун, тегишли ҳатти-ҳаракатни мувофиқлаштиришга қаратилган чора мувозанатли бўлиши лозим.
С.Раҳимов, ЎзА
