Беш мамлакат разведка агентлиги: Яқинда кучли кибер ҳужумга қодир СИ пайдо бўлади
Беш кўз маъносини англатадиган, “Five Eyes” номли разведка альянси “кенг кўламли кибер ҳужум амалга ошириб, ҳукумат ва корхоналар маконини бузиб ўтиш”га қодир сунъий интеллект маҳсулоти бир неча йил эмас, балки яқин ойларда пайдо бўлишини таъкидлади.
АҚШ, Буюк Британия, Канада, Австралия ва Янги Зеландиядан иборат гуруҳнинг қўшма баёнотида ҳукумат ва корхона раҳбарларини “дарҳол ҳаракат қилиш”га чақирди.
– Илғор сунъий интеллект модели қобилияти жорий тармоқ кутганидан юқори бўлиши мумкин. Жараён муддати йил эмас, балки ойлар…”, – дейилган ҳужжатда.
Айни огоҳлантириш АҚШ маъмурияти “Anthropic” компаниясига хорижий фойдаланувчилар энг кучли СИ интеллект маҳсулотлари ҳисобланган “Fable 5” ва “Mythos 5” тузилмаларига киришни чеклаш буюрилгандан кейин пайдо бўлди.
Шунингдек, “Anthropic” компаниясининг илғор СИ модели “Mythos” назорати остидаги хавфсизлик синови пайти бир неча соат ичида мамлакатнинг энг юқори даражадаги разведка агентликларидан бири саналган Миллий хавфсизлик агентлигининг деярли барча махфий тизимларини бузиб киришга муваффақ бўлгани таъкидланди.
С.Раҳимов, ЎзА
