«Арсенал» «Манчестер Ситиді» ірі есеппен жеңіп, Англия Суперкубогін иеленді

Лондондық «Арсенал» клубы өз тарихында 18-ші  рет Англия Суперкубогін жеңіп алды. Команда Кардифф қаласында өткен матчта «Манчестер Ситиді» 3:0 есебімен ойсырата жеңді.

Кездесудің 23-секундында Риккардо Калафиори есеп ашты. OneFootball мәліметінше, бұл 1968 жылдан бері Суперкубок матчтарының алғашқы минутында соғылған алғашқы гол әрі турнир тарихындағы ең жылдам гол болды.

Лондондықтар сапында Кай Хаверц 28-минутта, ал Мартин Эдегор 48-минутта гол соғып, командасының жеңісін еселей түсті.

Айта кетейік, өткен маусымда «Арсенал» Премьер-лигада жеңіске жетсе, «Манчестер Сити» Англия кубогін иеленген болатын.