АҚШ сафари чоғида Си Цзиньпинга йирик корпорация раҳбарлари ҳамроҳлик қилади
Хитой Раиси Си Цзиньпин 24 сентябрь куни Вашингтонда бўлиб ўтадиган саммит давомида ўзига ҳамроҳлик учун йирик бизнес делегациясини тайёрламоқда. “Reuters” агентлиги таъкидлашича, АҚШ Хитой сармоясига шубҳа билан қараши ва Пекиннинг хусусий бизнес билан кескин муносабати инобатга олинса, бу ҳолат ғайри оддий ҳаракат ўлароқ баҳоланиши мумкин.
Чин етакчиси камдан-кам ҳолларда корпоратив раҳбарлар билан чет элга сафар уюштиради. Зеро, Пекин 2020 йил жорий эта бошлаган технология, таълим ва кўчмас мулк соҳаларига доир қатъий қоидалардан сўнг йирик бизнес эгаларининг кўпчилиги ҳукумат эътиборидан четда қолган.
Хабарда айни ҳодиса Хитой қисман Қўшма Штатлар билан сармоя ва савдо алоқасини қўллаб-қувватлашга содиқлигини намойиш этиши, Оқ уйга эса оралиқ сайлов олдидан эҳтимолий иқтисодий фойда келтиришига қаратилгани қайд этилган.
Си Цзиньпин охирги марта 2015 йил Қўшма Штатларга бизнес делегация олиб келган. Ўша ташриф давомида Хитой 300 та “Boeing” самолёти харид қилиш бўйича 38 миллиард долларлик шартнома имзолаган.
С.Раҳимов, ЎзА
