Амударё экотизимини асраш йўлида йирик медиа-экспедиция ташкил этилди (+видео)

Ўзбекистон Экология вазирлиги, БМТ Тараққиёт дастури ҳамда Глобал экологик фонднинг “Aral Sea Wetlands” лойиҳаси доирасида Бухоро, Хоразм ва Қорақалпоғистон бўйлаб уч кунлик медиа-экспедиция ўтказилди. Тадбирдан кўзланган бош мақсад — кенг жамоатчилик ва давлат идоралари эътиборини Қуйи Амударё ҳавзасида сувни экологик мақсадларда ўтказиш ҳамда ноёб табиий тизимларни сақлаб қолишга қаратишдан иборат.

Медиа-тур давомида журналист ва экспертлар ҳудуддаги бешта муҳим ва заиф экологик объект — Денгизкўл, Қизилқум қўриқхонаси, Хоразм миллий табиат боғи, Қуйи Амударё биосфера резервати ва Судоче кўлидаги ҳақиқий ҳолат билан танишдилар. Мутахассисларнинг таъкидлашича, сув тақсимотида табиатнинг экологик эҳтиёжларини инобатга олмаслик сув сатҳининг қисқаришига ва биохилма-хилликнинг йўқолишига олиб келмоқда. Шу бош сабабга кўра, аввалроқ имзоланган Қуйи Амударё ҳавзаси концепциясини қисқа муддатда қоғоздан амалиётга кўчириш, яъни озиқ-овқат хавфсизлиги ва аҳолини ичимлик суви билан таъминлаш жараёнини экотизимларни асраш билан мувозанатда олиб бориш зарурлиги қайд этилди.

<iframe width="873" height="491" src="https://www.youtube.com/embed/0vSzQGnBZZ0" title="Amudaryo bagʻrida yashiringan sir" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Зиёвуддин Нуриддинов, Анвархўжа Аҳмедов (видео), ЎзА