Өзбекстанда сотталғандарға мемлекеттік қызметтерді, соның ішінде нотариалдық қызметтерді электронды түрде көрсетуге мүмкіндік жасалады. Осыған байланысты қылмыстық-атқару мекемелерінің ішкі тәртіп ережелеріне толықтырулар енгізіледі.

Ішкі істер министрлігі тарапынан ұсынылған жобасында, қылмыстық-атқару мекемелеріндегі сотталғандар электрондық мемлекеттік қызметтерді, оның ішінде нотариаттық қызметтерді пайдалану үшін қылмыстық-атқару жүйесі мекемелерінің әкімшілігі арнайы бөлме қарастырады.

Сондай-ақ, тұтқындарға арналған бұл бөлме веб-камера және әлемдік ақпараттық интернет желісіне қосылған компьютерлік техникамен жабдықталуы көзделген.