Ресми сапармен Италияда жүрген Өзбекстан Республикасының Президенті Шавкат Мирзиёев Римнен Милан қаласына келді.

Жоғары мәртебелі мейманды «Мальпенса» әуежайында Ломбардия облысының басшылығы қарсы алды.

Ертең Мемлекет басшысы осы облыстың губернаторымен кездесіп, Италияның жетекші компаниялары мен ұйымдарының басшыларымен дөңгелек үстел отырысын өткізеді.

Сондай-ақ, «ITMA 2023» тоқыма машиналарының ең ірі халықаралық көрмесіне бару жоспарланған.