Ташкентте «Түркия-Өзбекстан экономикалық ынтымақтастығының жаңа перспективалары» атты шара өтті.

Инвестициялар және сыртқы сауда министрлігінің хабарлауынша, атаулы шара Түркия экономикалық зерттеулер қоры мен Өзбекстанның Сауда-өнеркәсіп палатасымен бірлесіп ұйымдастырған.

Шара барысында Өзбекстан мен Түркия арасындағы сауда-экономикалық ынтымақтастықты дамыту перспективалары, инвестициялық ортаны жақсарту, аймақтық және халықаралық сауда-экономикалық байланыстарды жеделдету, инфрақұрылымды дамыту мәселелері талқыланды.

Халықаралық Транскаспий дәлізін пайдалануды одан әрі жандандыру, жүк тасымалдау көлемін ұлғайту, бағаларды оңтайландыру, көлік инфрақұрылымын дамыту, транзиттік тасымалдауды жеңілдету мен ірі логистикалық инфрақұрылымдық жобаларды бірлесіп жүзеге асыруды қарастыра отырып, өңіраралық көлік-логистика саласындағы ынтымақтастықты кеңейту мүмкіндіктері қарастырылды. 

Шара соңында қатысушылар түрік бизнесі мен өзбек кәсіпкерлері арасындағы сауда-экономикалық қарым-қатынастардың басымдықтарын анықтап, ұзақ мерзімді өзара тиімді ынтымақтастықты орнату бойынша ынтымақтастықты жалғастыруға дайын екендіктерін білдірді.