Өзбекстан Сыртқы істер министрінің міндетін атқарушы Бахтиёр Саидов Қытай Сыртқы істер министрі Син Ганмен телефон арқылы сөйлесті.

СІМ хабарлауынша, сұхбат басында Бахтиёр Саидов пен Син Ган бірін-бірі Сыртқы істер министрлігіне басшы болып тағайындалуымен құттықтады.

«Екі ел басшыларының сенімді байланысы мен бірлескен күш-жігерінің арқасында Өзбекстан-Қытай қарым-қатынастары бұрын-соңды болмаған жоғары деңгейге көтеріліп, берік сипатқа ие болып, қарқын алды. Парламент, үкімет, Сыртқы істер министрлігі және тиісті министрліктер арасында белсенді диалог жүргізілуде», делінген хабарламада.

Жоспарланған екіжақты және көпжақты іс-шаралардың кестесі және оларды дайындаудың түрлі аспектілері қарастырылып, Өзбекстан мен Қытайдың халықаралық және аймақтық қауіпсіздік мәселелері бойынша ұстанымдары ұқсас екені атап өтілген.

Сондай-ақ, сұхбат барысында тараптардың БҰҰ, ШЫҰ және басқа да ұйымдар аясындағы тығыз ынтымақтастықты жалғастыруға дайындығы расталып, сауда-экономикалық қатынастарды жүзеге асыруды және көлік-коммуникация саласындағы жобаларды жүзеге асыруды жеделдету бойынша ұсыныстар қарастырылған.

Өзбекстан-Қытай жан-жақты стратегиялық серіктестігін одан әрі дамыту мақсатында практикалық қарым-қатынастарды жалғастыруға келісілген.