Өзбекстан Республикасы Президенті Шавкат Мирзияев 6 қазан күні Корея Республикасының Президенті Мун Чжэ Инмен телефон арқылы сөйлесті.

Мемлекет басшысы сұхбат басында көп ұлтты Өзбекстан халқы атынан және жеке өзінің атынан Президент Мун Чжэ Ин мен достас корей халқын Кореяның дәстүрлі Чусок мерекесімен шын жүректен құттықтады.

Өзбекстан мен Оңтүстік Корея Президенттері екі ел арасындағы ерекше стратегиялық серіктестік ретінде екіжақты қатынастардың жай-күйі мен одан әрі даму перспективаларын егжей-тегжейлі талқылап, халықаралық саясаттың өзекті мәселелері бойынша пікір алмасты.

Сұхбат аясында бүгінгі таңда өте өзекті болып тұрған глобалды коронавирустық пандемия жағдайында Өзбекстан мен Корея қатынастарына әсерін азайту үшін белсенді ынтымақтастықты және әр түрлі деңгейдегі тұрақты жемісті диалогты жалғастыру маңызды екендігі айтылды.

Өзбекстан Президенті пандемияға қарсы тиімді күресті ұйымдастыруда, осы аурудың алдын алу мен емдеудің озық тәжірибелерін енгізуде Корея Республикасы көрсеткен практикалық көмек үшін әріптесіне алғысын білдірді. Денсаулық сақтау министрліктері және басқа да мүдделі тараптар деңгейінде тығыз үйлестіруді қамтамасыз ету, оның ішінде емдеу әдістерін жетілдіру, вакциналарды әзірлеу және қолдану бойынша тығыз ынтымақтастықты жалғастыруға келісті.

Сондай-ақ болашақ жоғары деңгейдегі өтетін кездесулердің күн тәртібін дайындауға ерекше назар аударылып, Президенттер сауда-экономикалық және инвестициялық ынтымақтастық, екіжақты сауданы кеңейту және қарым-қатнасты нығайту үшін қолайлы жағдайлар жасау, соның ішінде қажетті заңнамалық базаны дамыту және кәсіпкерлік бастамаларды ілгерілетуге көмектесу мәселелерін талқылады.

Мемлекет басшылары инвестициялық, қаржылық, техникалық және гуманитарлық ынтымақтастық саласындағы жүзеге асырылып жатқан65 бірлескен жобаны және ең алдымен Кореяның Халықаралық ынтымақтастық агенттігі мен Экономикалық даму және ынтымақтастық қоры шеңберіндегі денсаулық сақтау мен білім беру саласындағы екі ел үкіметтеріне жан-жақты қолдау көрсетуді жалғастыруды тапсырды.

Бұдан бөлек, Өзбекстан мен Оңтүстік Кореяның жетекші компаниялары мен банктік-қаржы институттарының қатысуымен құны 4 миллиард доллардан асатын перспективалық жобалар портфелін кеңейту бойынша өзара келісілген шаралар қабылданатын болады.

Байланыс соңында Президенттер екі елдің арасындағы ғасырлар бойғы достық байланыстарына негізделген сан қырлы қатынастарды одан әрі нығайтуға және кең ауқымды практикалық ынтымақтастықты дамытуға бел буғандықтарын растады.