Өзбекстан Президентінің Ауғанстан бойынша арнайы өкілі Исматулла Иргашев бастаған Өзбекстан делегациясы Ашхабадта өткен Еуропалық одақ пен Орталық Азия елдерінің Ауғанстан бойынша арнайы өкілдерінің төртінші отырысына қатысты.

Сыртқы істер министрлігінің хабарлауынша, шараға Еуропалық Одақтың Орталық Азия бойынша арнайы өкілі Тери Хакала, Еуропалық Одақтың Ауғанстан бойынша арнайы өкілі Томас Никлассон, БҰҰ Бас хатшысының арнайы өкілі, БҰҰ-ның Ауғанстандағы Миссиясы Роза Отунбаева, Дүниежүзілік банк өкілдері (онлайн) және Орталық Азия елдерінің Ауғанстан бойынша өкілдері, арнайы өкілдер қатысты.

Жиынға қатысушылар ауған халқына гуманитарлық көмек көрсетуді жалғастыру, Ауғанстанның оқшаулануына жол бермеу, елдің шетелдегі тыйым салынған активтеріне қойылған шектеулерді алып тастау қажеттігін атап өтті.

Ауғанстанның уақытша үкіметіне халықаралық қоғамдастыққа инклюзивті және өкілді үкімет құру, азаматтардың, әсіресе әйелдердің құқықтары мен бостандықтарын құрметтеуге, Ауғанстан аумағын террористік мақсатта пайдалануға жол бермеуге шақырылған.

Сондай-ақ, өңірдегі су ресурстарын бірлесіп пайдалану мәселелеріне де ерекше назар аударылып, көрші елдердің мүдделерін өзара есепке алудың және өңірлік су ресурстарын ұтымды пайдаланудың маңыздылығы атап өтілді.

Ауғанстандағы жағдайды реттеу бойынша Еуропалық Одақ пен Орталық Азия елдерінің ортақ ұсыныстарын әзірлеуге мүмкіндіктер бар екені айтылды.

«Делегациялар Өзбекстан Президентінің БҰҰ жанынан халықаралық келіссөздер тобын құру туралы бастамасын оң бағалап, бұл БҰҰ-ның Ауғанстан бойынша Жол картасын әзірлеу бойынша осы форматтағы жалпы ұсыныстардың бір бөлігі болуы мүмкін екенін атап өтті», делінген хабарламада.

Шара қорытындысы бойынша бірлескен мәлімдеме қабылданған.