ФОТОРЕПОРТАЖ

Янги Наманган туманида “Жамиятда хотин-қизларнинг ижтимоий фаоллигини оширишда маҳалла бешлиги ва кенг жамоатчиликнинг ўрни” мавзусида форум бўлиб ўтди.

Унда Янги Наманган тумани ҳокими Жобир Абдуллаев, вилоят ҳокими ўринбосари, Оила ва хотин-қизлар бошқармаси бошлиғи Динара Якубова, “Аёллар дафтари” тизимининг ижросини ўрганиш учун Наманган вилоятида бўлиб турган республика ишчи гуруҳи аъзолари, тумандаги барча маҳаллаларнинг бешлик ходимлари, масалага дахлдор ташкилот ва идораларнинг масъуллари иштирок этди.

[gallery-13652]

Форумда туман ҳокими ўтган давр мобайнида аёлларни қўллаб-қувватлаш борасида амалга оширилган ишлар хусусида сўз юритди.  

Таъкидланганидек, 2021-2023 йилларда тумандаги 62 минг 750 нафардан зиёд хотин-қиздан 9370 нафари “Аёллар дафтари”га киритилиб, 1816 нафари иш билан таъминланди, 1120 нафарига тадбиркорлик билан шуғулланиши учун амалий ёрдам кўрсатилди, 1990 нафарининг саломатлигини яхшилашга кўмаклашилди. Шунингдек, 120 нафар хотин-қизнинг уй-жойи таъмирлаб берилган бўлса, 44 нафари уй-жой билан таъминланди. 1210 нафар аёлга ногирон фарзандларининг саломатлигини яхшилашга кўмаклашилди. Боқувчисини йўқотган 3070 нафар хотин-қизнинг яшаш шароити яхшиланди. Мазкур ишлар учун “Аёллар дафтари” жамғармаси маблағлари ҳисобидан 6 миллиард 510 миллион сўм, ҳомийлар ва бошқа манбалар ҳисобидан 14 миллиард 200 миллион сўм маблағ сарфланди.

Ҳотам МАМАДАЛИЕВ(сурат),ЎзА