2022 жыл 18 мамырда Өзбекстан Республикасының Сыртқы істер министрінің міндетін атқарушы Владимир Норов Өзбекстанға сапармен келген Израиль Мемлекетінің Туризм министрі Йоэл Развозовпен кездесті.

Кездесу барысында сауда-экономикалық байланыстарды нығайтуға ерекше назар аудара отырып, түрлі салалардағы Өзбекстан-Израиль ынтымақтастығының өзекті мәселелері талқыланды.

Израиль тарапы Өзбекстанның туристік әлеуетін және осы салада болып жатқан ауқымды өзгерістерді жоғары бағалады. Соңғы кездері Өзбекстанға перспективалы туристік бағыт ретінде бүкіл әлемде, соның ішінде Израильде де қызығушылық артып отырғаны атап өтілді.

Өзбекстанға туристер ағынын арттыру, елдің туризм саласын дамыту, туристерге көрсетілетін қызмет түрлерін жақсарту және кеңейту бойынша нақты ұсыныстар қарастырылғаны айтылады СІМ хабарында.