Футболшылардың келісім-шарттары туралы ақпаратпен айналысатын немістің Transfermarkt порталы Өзбекстан ұлттық құрамасын 24,65 миллион еуроға бағалаған.

Бұл көрсеткіш бойынша Өзбекстан құрамасы Азияда алтыншы, Орталық Азия елдері арасында бірінші орында тұр.

Ұлттық құраманың ең қымбат ойыншысы «Рома» клубының шабуылшысы Эльдор Шомурадов. Оның нарықтағы бағасы шамамен 8 миллион еуроға бағалануда. Бұл көрсеткіш өткен жылмен салыстырғанда 6 миллион еуроға төмендеген.

Портал дерегінше, Орталық Азия елдері ұлттық құрамалары арасында – Қазақстан (17,6 млн.) екінші орында, ал үздік үштікті - Қырғызстан (5,98 млн.) қорытындылаған.

Еске сала кетсек, 2022 жыл 16 қараша күні Ташкенттегі «Пахтакор» стадионында Өзбекстан мен Қазақстан ұлттық құрамалары жолдастық кездесу өткізеді.