ТМД-ға мүше мемлекеттердің өкілдері ІІ Достастық ойындарын дайындау және өткізу жөніндегі жұмыс тобының отырысында жарыс туралы ережені бекітті.

ТМД Атқару комитетінің баспасөз қызметінің хабарлауынша, ТМД II ойындары 4-14 тамыз аралығында өтеді деп жоспарланған. Ойындардың тұжырымдамасы Беларусьтің 11 қаласында спорттың 21 түрінен іс-шаралар өткізу көзделген.

Атап айтқанда, турнир Минск, Борисов, Брест, Витебск, Гомель, Гродно, Жлобин, Могилев, Молодечно, Орша және Солигорск қалаларында өтеді.

ТМД ойындарына 3 мыңға жуық спортшы, жаттықтырушы, төреші, медицина қызметкерлері және т.б. қатысады деп күтілуде. 

Ойындарға Әзірбайжан, Армения, Беларусь, Қазақстан, Қырғызстан, Молдова, Ресей, Тәжікстан, Түркіменстан және Өзбекстанның спорт делегациялары қатысады.

Қазіргі уақытта Моңғолия, Қытай, Куба, Иран, Оман, Сауд Арабиясы делегацияларының кейбір спорт түрлеріне қатысуы мәселелері пысықталуда.