“O‘zenergoinspeksiya” axborot xizmatining xabariga ko‘ra, Buxoro viloyati Buxoro tumanidagi “B.” MFY hududida faoliyat yurituvchi fermer xo‘jaliklari quvvati 55 kVt bo‘lgan suv nasosini tijorat maqsadida elektr tarmog‘iga o‘zboshimchalik bilan ulagan va o‘g‘rincha elektr energiyasidan foydalangan. Bu ishlar oqibatida tizimga 3,9 milliard so‘m miqdorida zarar keltirilgan.

Ayni kunlarda mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.

N.Ziyodullayeva tayyorladi, O‘zA