Таиланд билігі корольдікке келгендердің барлығынан кем дегенде екі вакцинациямен коронавирусқа қарсы вакцинацияны қабылдағаны туралы сертификатты талап етуді жоспарлап отыр.

Bangkok Post газетінің хабарлауынша, саяхатшылар тапсырған тест оң нәтиже берген жағдайда емделуге кететін шығынды өтеу үшін медициналық сақтандыруға ие болуы керек.

Корольдік денсаулық сақтау министрі Анутин Чарнвиракул бұл өзгеріс қажет екенін айтып, өйткені Таиланд әртүрлі елдерден, соның ішінде Қытайдан келген саяхатшылар үшін маңызды орын болып табылатынын жеткізген.

Дүниежүзілік денсаулық сақтау ұйымының (ДДСҰ) төтенше жағдайлар бағдарламасының атқарушы директоры Майкл Райанның айтуынша, Қытай коронавирустан ауруханаға жатқызылғандар мен өлім-жітім саны туралы мәліметті бермей таратпай отыр. 

Соңғы күндері Қытайда коронавирус жұқтырғандар санының күрт артуы нәтижесінде елдің түкпір-түкпірінде крематорийлер (мәйіттерді өртейтін арнайы орын) толып кеткен. 

Желтоқсан айында Қытай коронавирус жағдайлардың күрт өсуіне байланысты күнделікті мәліметтерді жариялауды тоқтатты. Сарапшылардың дерегінше қаңтар айында қайтыс болғандар саны 9 мыңнан 25 мыңға дейін артуы мүмкін.