Ташкент қаласында Шанхай ынтымақтастық ұйымына мүше мемлекеттердің туризм әкімшіліктері басшыларының отырысы өтті.

Кездесуге Өзбекстан Республикасы Премьер-Министрінің орынбасары – Туризм және мәдени мұра министрі Азиз Абдухакимов, Үндістан Туризм министрінің орынбасары Ракеш Кумар Верма, Қазақстан Республикасының Мәдениет және спорт министрі Дәурен Абаев, Қырғызыстан Республикасының Мәдениет, ақпарат, Спорт және жастар саясаты министрі Азамат Жаманқұлов, Ресей Федерациясының Туризм жөніндегі федералдық агенттігінің басшысы Зарина Догузова, Пәкістан Ислам Республикасының аймақаралық үйлестіру жөніндегі федералды министрі Эхсан ур Рахмон Мазари, Тәжікстан Республикасының Туризмді дамыту комитетінің төрағасы Тәжиддин Джуразода, сондай-ақ туризмді дамыту және мәдени мұраны қорғау жөніндегі халықаралық сарапшылар, түрлі министрліктердің басшылары, БАҚ өкілдері және құрметті қонақтар қатысты. 

Туризм саласы көшбасшылары Шанхай ынтымақтастық ұйымына мүше елдер үкіметтері арасындағы туризм саласындағы ынтымақтастықты дамыту туралы келісім жобасын мақұлдап, оған Саммит барысында қол қоюға келісті.