Америкаликларнинг учдан икки қисми навбатдаги президент сайловида давлат раҳбари Жо Байден ёки унинг собиқ ҳамкасби Дональд Трамп иштирок этиши мумкинлигига унчалик ҳам қизиқиш билдирмаяпти, дейилади NBC News телеканалининг олиб борган сўров якунлари бўйича тарқатган маълумотида.

Америкаликларнинг учдан икки қисми навбатдаги президент сайловида   давлат раҳбари Жо Байден ёки унинг собиқ ҳамкасби Дональд Трамп иштирок этиши мумкинлигига унчалик ҳам қизиқиш билдирмаяпти, дейилади  NBC News телеканалининг олиб борган сўров якунлари бўйича тарқатган маълумотида. 

"Сайловчиларнинг ҳар учтадан иккиси Байден ва Трамп сайловга яна ўз номзодларини қўйишига шубҳа билан қарайди  ёки маъқулламайди", - дейилади телеканал тарқатган хабарда. 

Сўровда иштирок этганларнинг 52 фоизи Трампннинг президентликка интилишидан ўзларини “жуда ноқулай” ҳис этишмоқда, 14 фоизи эса Трампнинг президент бўлишига шубҳа билан қарашган.  

Байден президент бўлиши истиқболига сўров иштирокчиларининг 48  фоизи салбий муносабат билдирган, 19 фоизи эса Байденнинг яна бир бор президент бўлишига шубҳа билдирган.  

Шу билан бирга, 34 фоиз сайловчилар Байденнинг сайловда иштирок этишига қизиқиш билан қараётган бўлса, 32 фоиз сайловчилар худди шундай муносабатни Трампга билдирган.  

Хабарда айтилишича, сўров 20-24 январь кунлари 1000 киши орасида телефон орқали уюштирилган.  

Аввалроқ Трамп 2024 йилда бўлиб ўтадиган навбатдаги президент сайловида ўзининг номзодини қўйишини  маълум қилганди.

Амалдаги Президент Байден ҳам шундай нияти борлигини таъкидлаган, лекин якуний қарорини ҳали расман эълон қилмади.