Солтүстік Корея жұма күні Жапон теңізіне қысқа қашықтықтағы екі баллистикалық зымыранды ұшырды.

Рёнхап агенттігі хабарлауынша, Кангвон провинциясының Тонгчон ауданынан КХДР-ның зымыран ұшыруы жергілікті уақыт бойынша 11.59-12.18 аралығында тіркелген.

«Бақылау мен қырағылықты арттыра отырып, біздің әскерлер Америка Құрама Штаттарымен тығыз ынтымақтастықпен толық дайындықта», - делінген Оңтүстік Кореяның Біріккен штаб бастықтары комитеті мәлімдемесінде.

Жұма күні Оңтүстік Корея армиясының 18-28 қазан аралығында өткен жыл сайынғы ірі «Хогук» оқу-жаттығуы аяқталады.